Í tilefni af 100 ára afmæli Norræna félagsins á árinu og norræns vinarbæjarmóts, sem fer fram í lok september, gróðursettu félagsmenn fyrstu trén í norrænan afmælis- og vinabæjarlund 31. maí síðastliðinn.
Tré frá öllum Norðurlöndunum munu þar minna okkur á mikilvægi norrænnar samvinnu, samstöðu og vinarþels.
Kópavogsbær úthlutaði um 400 m2 svæði fyrir lundinn sem verður við enda Álfatúns í Kópavogi á móts við Fossvogsskóla.
Eftirfarandi tegundir voru gróðursettar:
• Hafþyrni – fyrir Álandseyjar
• Beyki – fyrir Danmörku
• Hengibjörk – fyrir Finnland
• Rjúpnavíðir fyrir Grænland (salix glauca)
• Gulvíðir (brekkurvíðir) – fyrir Færeyjar
• Birki (embla) – fyrir Ísland
• Rauðgreni – fyrir Noreg
• Skógarfura – fyrir Svíþjóð
