Norræna félagið

Með aukinni þekkingu og vináttu þróum við einstaka möguleika á samvinnu milli Norðurlandanna. Þessi samvinna auðveldar líf okkar, gerir það skemmtilegra og eykur gagnkvæman skilning auk þess að bjóða upp á nýja strauma í félags-, menningar- og umhverfismálum.

Allir sem vilja fylgjast með starfi Norræna félagsins, fjölbreyttum tilboðum, viðburðum, fréttum og öðru áhugaverðu sem snertir Norðurlönd og norrænt samstarf ættu að skrá netföng sín hjá Norræna félaginu. Við sendum reglulega út spennandi tilkynningar. Skráið ykkur á póstlista Norræna félagsins með því að senda okkur skilaboð á netfangið Þetta netfang er varið fyrir ruslrafpósti, þú þarft að hafa Javascript virkt til að skoða það .

Laust starf á skrifstofu

Norræna félagið óskar eftir starfsmanni í hlutastarf frá mánaðamótum janúar/febrúar.

Helstu verkefni eru að aðstoða verkefnastjóra upplýsingaþjónustunnar Halló Norðurlönd við uppfærslu á heimasíðu, undirbúning námskeiða, upplýsingagjöf til almennings og uppfærslu á upplýsingaefni. Tilfallandi störf á skrifstofu Norræna félagsins.

Hæfniskröfur:
- Menntun og/eða reynsla sem nýtist í starfi.
- Tölvulæsi.
- Gott vald á íslensku og a.m.k. einu Norðurlandamáli, bæði í rituðu og töluðu máli.
- Rík þjónustulund og sjálfstæð vinnubrögð. Áhugi á norrænum málefnum.
- Reynsla af búsetu á Norðurlöndunum er kostur.

Um er að ræða tímabundið hlutastarf sem hentað gæti vel með námi.

Nánari upplýsingar um starfið og umsóknarferlið veita Ásdís Eva Hannesdóttir og Alma Sigurðardóttir í síma 5510165 og á netfanginu Þetta netfang er varið fyrir ruslrafpósti, þú þarft að hafa Javascript virkt til að skoða það Halló Norðurlönd er upplýsingaþjónusta Norrænu ráðherranefndarinnar, sjá nánar á www.hallonorden.org

Dagskrá Nordklúbbsins

Unga fólkið í Norræna félaginu hefur margt á prjónunum um þessar mundir.

Næstu viðburðir eru bingókvöld 21. janúar, finnskt súpukvöld 4.febrúar og kvikmyndakvöld 18. febrúar.

Hægt er að tengjast Nordklúbbnum á Facebook: http://www.facebook.com/home.php?#/profile.php?id=100000150113049&ref=ts

Sænsk-íslenski samstarfssjóðurinn auglýsir ferðastyrki

Frestur til að sækja um ferðastyrki frá Sænsk-íslenska samstarfssjóðnum rennur út 1. febrúar næstkomandi. Styrkupphæðin er 7000 sænskar krónur.

Styrkurinn er veittur einstaklingum sem eiga í sænsk-íslenskum samskiptum hvort sem þau byggja á grunni menningarmála, menntunar eða rannsókna. Umsækjendur þurfa að gera grein fyrir dagskrá ferðarinnar og veita upplýsingar um tengilið í hinu landinu.

Frekari upplýsingar má finna á heimasíðunni www.norden.se/island.asp

Meira...